Vidas chena lughe - Vite senza luce

"Vidas chena lughe" ovvero “ Vite senza luce” è nata sull’onda emotiva di una terribile tragedia che ha lasciato una ferita aperta nelle nostre comunità: la morte di Manuel Careddu, il ragazzo ammazzato da alcuni coetanei per storie di droga. Vidas chena lughe Coros de pedra, ojos de astrau, manos de morte, vidas chena lughe, pregades solu deos in mustrina, fintu s’abbratzu, Giudas chin cannau, sa mama addolorida posta in rughe, s’abba neta luada in abbadrina. Pro trinta soddos mortu azis fedale, che belvas dende su colpu ferale. Fizis lizos, fiores de puresas, azis chircadu sos chelos de fumu, azis sighidu boghes de chimera, sa giovania chin sas alas presas chirchende su cunfortu in su consumu sa vida ‘ostra como est a bisera. Nesciunu s’est abbistu de s’iscuru, totu amus gulpa pro su pagu incuru. Ponìmunos dimandas pro faddinas, sa creja, sas famìlias, s’iscola, in sos palatos de sos chi guvernan. Sos iscarmentos pro carneficinas de gioventura pèrdida a sa sola, sas mentes giustas non los immentigan. Sas boghes de sos mannos totu mudas, in conca nostra milli sun sas dudas. A fora dae sa barbaridade sos sinnos ascultamu de turmentos de custos fizos chena su punteddu. S’amore, sa cultura e s’amistade cun fortza sanan sos afliggimentos, e non los pijat donzi bentigheddu. Perdonu e piedade in cussa losa ca sa virtude acontzat donzi cosa. ©Vanna Sanciu Traduzione Vite senza luce Cuori di pietra, occhi di ghiaccio, mani della morte, vite senza luce, adorate gli dei della vanità, il vostro abbraccio è falso, siete dei Giuda con la fune, quella fune che vi toglierà il respiro vitale. Avete crocifisso una madre, avvelenato l’acqua dell’acquitrino. Per trenta danari avete ammazzato un compagno, come le belve avete assestato il colpo funesto. Eravate gigli, fiori della purezza, avete cercato cieli di fumo, avete inseguito le voci di una chimera, tarpato le ali alla vostra giovinezza, cercando conforto nel consumo, ora la vostra vita è un manto di vergogna. Nessuno vi ha visto nell'oscurità, siamo tutti colpevoli per la poca cura. C’interroghiamo per gli errori commessi, la Chiesa, le famiglie, la scuola, nei palazzi dei governanti. La dura lezione delle carneficine della gioventù allo sbaraglio, i giusti non devono dimenticarla. Le voci dei grandi tacciono, nel nostro animo s’insinuano dubbi atroci. Usciamo dalla barbarie, ascoltiamo i segni dei tormenti di questi figli senza un sostegno. L’amore, la cultura e l’amicizia sanano con forza le sofferenze, non li piega ogni venticello. Perdono e pietà in quella tomba solo la virtù rimedia a tanto male.