Friday, 29 March 2024

Informazione dal 1999

Cronaca

Poesia in lingua sarda di Franco Piga: "Pensare assuconadu"

Poesia in lingua sarda di Franco Piga:
Poesia in lingua sarda di Franco Piga:
Olbia.it

Pubblicato il 16 November 2012 alle 11:35

condividi articolo:

Per i nostri lettori, una bellissima poesia in lingua sarda di Franco Piga: Pensare assuconadu "A sos giovanos torrat su pensare a fizos, fizas e omines totu; a cantos in su cras biden s’ignotu chentza resessere a lu mezorare; a chie poi e tantu cumbatare s’agatat chentza nudda ne acotu. A su tribagliadore, chi isfrutadu, che l’an leadu sa serenidade; a cussos ch’oramai in povertade da-e sa domo issoro ch’an catzadu; a su ch’an bisonzosu abbandonadu cun pegas sisìnas de caridade. A tanta zente onesta e in fermentu chi gherrat pro mezoru e libertade; a cussos chi chirchende veridade agatan falsidade e noghimentu; a criaduras chi de custu ammentu nde sufrin unu cras sa realtade. A sas terras luàdas can distrutu e non pius bi creschet su laore. A chie tota vida che pastore li lean de cant’at fatu su frutu; a chie protestende resolutu l’an tratadu che malu depidore. A cussos chi cumandan abbramidos e s’onestade s’an ismentigadu; a chie est isetende atresetadu ma lassat sa giustiscia avvilidos; a cussos chi pianghen afligidos ca totu custu, tropu at apretadu. In s’isetu de tempos chentza dudas: pro totu su pensare assuconadu. An a bennere sas dies chen’isfadu chi custas lassan in s’ammentu, mudas, ca sempre morin, sas dies fiudas de rispetu, ch’an su mundu abultzadu."