Contigheddos di Gesina Scanu: una fiaba "in limba" per i bambini

Un bellissimo racconto in lingua sarda scritto da Gesuina Scanu da raccontare ai bambini: "Su Pischittu" (Il pesciolino).

Su pischittu

Una ‘olta unu pischittu s’est frimmadu a pessare, isse non resessìat a cumprendere proite sos òmines istaiant mesu-intro et mesu-fora dae s’abba. Pro cussu deviat dumandare a Pischesàbiu chi fit su minnannu, isse fit s’unicu chi li torraiat totus sas rispostas chi sos àteros non l’ischìant dare! “O Pischittè, sos òmines, non sont comente a nois chi nadamus intro a s’abba cà semus nàschidos innoghe…issos sont nàschidos in terra ma sigomente chèrent fagher totu su chi ‘ident a sos àteros, ant imparadu a nadare! Sos omines ìstant a galla ma tue no lu fatas, lassàmulos isperimentare! Tambene, cando calcunu non bi resèssit, no-lu manigamus pianu pianu”. “O pischesà, si eo imparo a bistare a galla, ite nde nades? Fato eo puru che a issos, podet essere chi una die nois pisches imparamus a caminare che(i) sos omines!” “No Pischittè, sos omines sont fulbos, issos podent nadare, caminare et bistare a galla…issos sont istruìdos! Sos pisches podent solu nadare… si restant a galla sos pisches, cheret narrere chi sont moltos!” “Apo cumpresu…cando mi cojiuo et fato unu fizu, lu mando a s’iscola…s’istruzione est indispensabile pro ‘istare a galla!”

Il pesciolino

"C’era una volta un pesciolino che si fermò a pensare, egli non riusciva a capire perché gli uomini potessero stare per metà fuori e per metà dentro all’acqua. Per questo motivo avrebbe dovuto chiedere spiegazioni a Pischesàbiu che era suo nonno, egli era l’unico che gli potesse dare le risposte che gli altri non sapevano dargli! “O Pesciolino, gli uomini non sono come noi che nuotiamo dentro all’acqua perché è qui che siamo nati…loro sono nati nella terra ferma ma, siccome vogliono fare tutto ciò che fanno gli “altri”, hanno imparato a nuotare! Gli uomini stanno a galla ma tu non lo devi fare, lasciamo che sperimentino! Infatti, quando qualcuno non vi riesce, ce lo mangiamo piano piano”. “O Pischesàbiu, se io imparassi a rimanere a galla… che ne dite? Faccio anch’io come loro, può essere che un giorno i pesci imparino a camminare come gli uomini!” “No Pesciolino, gli uomini sono furbi, possono nuotare, camminare e rimanere a galla… loro sono istruiti! I pesci possono solo nuotare…se restano a galla i pesci vuol dire che sono morti. “Ho capito…quando mi sposerò ed avrò un figlio, lo manderò a scuola…l’istruzione è indispensabile perrimanere a galla!”