Friday, 26 April 2024
Informazione dal 1999
Pubblicato il 27 April 2015 alle 18:01
Su chelu nieddu e cuguladu, semper pioende, chena sessare, sidis in terra podiat catzare, abbisciu malu e mai frimmadu. Posca, in un'iscurosu manzanu, mare e chelu in mann' abbolotu, assuconados fiamus già totu, su disacatu no fiat lontanu. 'Etende semper a pienos caltos, dillùviu grigiu e tempestosu, lampos che fogu in chel' aerosu, che s'Universale rutos ispaltos . Oras malas meda amus coladu, chena tzocare s'abba intraiat in press' a imbolare resessiat poltas e benes chi at imbicadu. A nois pariat ’ijòne mala, sirenas sonende, rios currende, boghes chi zente fiamus perdende, in bidda nostra penas in donz'ala! Sa trista risposta retzidu amus, fados lutuosos fiant sinnados, fiat abberu, maleventurados, mortos frades de sa terra ch'amamus! Cando cussu riu s'est abbasciadu, cun bona volontade sunt supridos òmines bonos, pariant mutidos, in chelu s'ajudu ischirriadu. Sas sorres bighinas, finas a tesu in trazedia nos ant ajuadu cunfortos e benes ant imbiadu sas betzas campanas postas in mesu. No fiat su tempus de prammizare, distruidos duros sacrifìtzios de sas famìlias sos benifìtzios fiat momentu de ringratziare. De cunfortare famìlias colpadas fiat su dovere de su momentu, sos benes pèrdidos in su turmentu, cosa paga, vidas caras furadas. Deus salvet dae sas temporadas e nos ajuet a remediare, nos insinzet pro no imbagliare, sas terras nostras siant amparadas! Vanna Sanciu Olbia, 10 maggio 2014Poesia in limba scritta da Vanna Sanciu, in seguito alla terribile alluvione del 18/11 che ha colpito Olbia e la Sardegna.
20 April 2024
14 April 2024
13 April 2024
01 April 2024
26 November 2023
23 November 2023
19 November 2023
18 November 2023
22 October 2023
16 September 2023
03 September 2023